«Во успении мира не оставила еси, Богородице»
27 августа 2023 года в день предпразднства Успения Пресвятой Богородицы состоялось Всенощное бдение в храме во имя праведного Иоанна Кронштадтского.
ВЕЛИЧАНИЕ
Велича́ем Тя, Пренепоро́чная Ма́ти Христа́ Бо́га на́шего, и всесла́вное сла́вим Успе́ние Твое́.
ТРОПАРЬ УСПЕНИЯ ПРЕСВЯТОЙ БОГОРОДИЦЫ
В рождестве́ де́вство сохрани́ла еси́, / во успе́нии ми́ра не оста́вила еси́, Богоро́дице, / преста́вилася еси́ к животу́, Ма́ти су́щи Живота́, // и моли́твами Твои́ми избавля́еши от сме́рти ду́ши на́ша.
КОНДАК УСПЕНИЯ ПРЕСВЯТОЙ БОГОРОДИЦЫ
В моли́твах Неусыпа́ющую Богоро́дицу / и в предста́тельствах непрело́жное упова́ние / гроб и умерщвле́ние не удержа́ста: / я́коже бо Живота́ Ма́терь / к животу́ преста́ви // во утро́бу Всели́выйся присноде́вственную.
ЗАДОСТОЙНИК
А́нгели, успе́ние Пречи́стыя ви́девше, удиви́шася, / ка́ко Де́ва восхо́дит от земли́ на Не́бо.
Побежда́ются естества́ уста́вы / в Тебе́, Де́во Чи́стая: / де́вствует бо рождество́ и живо́т предобруча́ет смерть; / по рождестве́ Де́ва и по сме́рти жива́, // спаса́еши при́сно, Богоро́дице, насле́дие Твое́.
